കർത്താവിൽ പ്രിയ സഭക്കും യുവജനപ്രവർത്തകർക്കും യേശുക്രിസ്തുവിന്റെ നാമത്തിൽ സ്നേഹവന്ദനം ഐ പി സി കുന്നംകുളം സെന്റർ പി വൈ പി എ യുടെ പ്രവർത്തനങ്ങൾ അനുഗ്രഹമായി നടക്കുന്നു എന്നത് സന്തോഷത്തോടെ അറിയിക്കുന്നു.കഴിഞ്ഞ നാളുകളിൽ ഈ പ്രവർത്തനങ്ങളോട് നിങ്ങൾ സഭയായി കാണിച്ച പ്രാർത്ഥനക്കും സഹകരണങ്ങൾക്കും നന്ദി അറിയിക്കുന്നു. സെന്റർ പി വൈ പി എ യുടെ ആഭിമുഖ്യത്തിൽ ഏപ്രിൽ 15ശനി രാവിലെ 10ന് ചേലക്കര എബെനെസർ ഐ പി സി സഭയിൽ വെച്ചും വൈകിട്ട് 6ന് ഐ പി സി പഴഞ്ഞി ഹെബ്രോൻ സഭയിൽ വെച്ചും മിഷൻ ചലഞ്ച് മീറ്റിംങ്ങുകൾ നടക്കുന്ന വിവരം ഇതിനോടകം അറിഞ്ഞിരിക്കുമല്ലോ. സുവിശേഷം ഇനിയും എത്തപ്പെടാത്ത നോർത്ത് ഇന്ത്യയിലെ ഗ്രാമങ്ങളിൽ സുവിശേഷവുമായി സഞ്ചരിക്കുന്ന മിഷണറി ബ്രദർ വിനോദ് വെങ്കിട്ടരാമൻ തന്റെ സുവിശേഷ യാത്രയിലെ അനുഭവങ്ങൾ പങ്കുവെക്കുന്നു. നോർത്ത് ഇന്ത്യക്കുവേണ്ടി പ്രാർത്ഥിക്കുവാനും അവിടുത്തെ പ്രവർത്തനങ്ങളിൽ നേരിടുന്ന പ്രതിസന്ധികളെയും ആ പ്രതിസന്ധികളിൽ ദൈവം തരുന്ന അത്ഭുതവിടുതലുകളെക്കുറിച്ചും അറിയുവാനുള്ള അസുലഭ അവസരമാണിത്. ഐ പി സി കുന്നംകുളം സെന്റർ മിനിസ്റ്റർ പാസ്റ്റർ സാം വർഗീസ് ഉദ്ഘാടനം ചെയ്യുന്ന ഈ സമ്മേളനങ്ങളിൽ സഭയിലെ മുഴുവൻ യുവജനങ്ങളെയും പങ്കെടുപ്പിക്കുവാൻ ശുശ്രൂഷകനും മാതാപിതാക്കളും ശ്രമിക്കണം എന്നു അഭ്യർത്ഥിക്കുന്നു.

സഭാ വിഭാഗ വ്യത്യാസമെന്യേ ഏവർക്കും പങ്കെടുക്കാവുന്ന ഈ ആത്മീക സമ്മേളനത്തിന്റെ അനുഗ്രഹത്തിനായി പ്രാർത്ഥിക്കുകയും സഹകരിക്കുകയും ചെയ്യേണമെന്ന് ഒരിക്കൽക്കൂടി അഭ്യർത്ഥിക്കുന്നതോടൊപ്പം ഹാർദ്ദവമായി ക്ഷണിച്ചു കൊള്ളുന്നു.