ഐ പി സി കേരളാ സ്റ്റേറ്റ് അറിയിപ്പ്

കർത്താവിൽ പ്രിയ സെൻ്റർ, ലോക്കൽ സഭാശുശ്രൂഷകന്മാർക്കും വിശ്വാസികൾക്കും വന്ദനം !

"എന്നാൽ ഇപ്പോഴെങ്കിലും നിങ്ങൾ പൂർണ്ണഹൃദയത്തോടും ഉപവാസത്തോടും കരച്ചിലോടും വിലാപത്തോടും കൂടെ എങ്കലേക്കു തിരിവിൻ എന്നു യഹോവയുടെ അരുളപ്പാട്" (യോവേൽ 2: 12 )

പ്രിയരെ,

കോവിഡ്- 19 ൻ്റെ രൂക്ഷതയിലും ലോക് ഡൗണിലും പ്രതിസന്ധിയിലായ ഇക്കാലഘട്ടത്തിൽ ദൈവം നമ്മെ അവിടവിടങ്ങളിലായി കാത്തു സൂക്ഷിക്കുന്നതിൽ ദൈവത്തെ മഹത്വപ്പെടുത്തുന്നു.

ദേശത്തിൻ്റെ സൗഖ്യത്തിനായുള്ള പ്രാർത്ഥന ദൈവമക്കളുടെ കടമയാണല്ലൊ. സഭയുടെ പ്രധാന ഉത്തരവാദിത്വങ്ങളിൽ ഒന്നാണ് ദേശത്തിൻ്റെ വിടുതലിനായി ഹൃദയങ്ങളെ തന്നെ കീറി ദൈവമായ യഹോവയുടെ അടുക്കലേക്ക് തിരിയുക എന്നത്. രോഗവും മരണവും നമ്മുടെ കൺമുമ്പിൽ ഇത്രത്തോളം വന്നെത്തിയ കാലം വേറേയുണ്ടായിട്ടില്ല. കഴിഞ്ഞ കാലത്തെ പ്രാർത്ഥനകൾ കേട്ട് വിടുതലുകൾ തന്ന ദൈവം തീർച്ചയായും നമ്മുടെയും വിലാപത്തോടുകൂടെയുള്ള പ്രാർത്ഥനകൾ കേൾക്കാതിരിക്കില്ല. 'സീയോനിൽ കാഹളം ഊതുവിൻ; ഒരു ഉപവാസം നിയമിപ്പിൻ' എന്ന ദൗത്യം ഏറ്റെടുത്തു നമുക്കൊരുമിച്ച് പ്രാർത്ഥനയിൽ ജാഗരിക്കാം.

2021 മെയ് 19, 20, 21 (ബുധൻ മുതൽ വെള്ളി വരെ) തിയതികളിൽ രാവിലെ 10 മുതൽ 1വരെ സൂം പ്ലാറ്റ്ഫോമിലൂടെ നമുക്കൊത്തൊരുമിച്ച് പ്രാർത്ഥിക്കാം.

എല്ലാ സെൻ്റർ ശുശ്രൂഷകന്മാരും സഭാ ശുശ്രൂഷകന്മാരും ഇതിനായുള്ള ക്രമീകരണങ്ങൾ ഒരുക്കണം. സൂം ഐ ഡി യും മറ്റു വിവരങ്ങളും പിന്നാലെ അറിയിക്കുന്നതാണ്.

ഐ പി സി കേരളാ സ്റ്റേറ്റ് കൗൺസിലിൻ്റെ നേതൃത്വത്തിൽ സ്റ്റേറ്റ് പ്രയർ ബോർഡുമായി ചേർന്ന് ആഹ്വാനം ചെയ്തിരിക്കുന്ന ഈ പ്രാർത്ഥനാ സംഗമത്തിലേയ്ക്ക് ഏവരെയും കർതൃ നാമത്തിൽ ക്ഷണിക്കുന്നു.

എന്ന്,
ഐപിസി കേരളാ സ്റ്റേറ്റ് കൗൺസിലിനു വേണ്ടി,

പാസ്റ്റർ ഷിബു നെടുവേലിൽ
സെക്രട്ടറി