ഐപിസി കേരള സ്റ്റേറ്റ് ഔദ്യോഗിക അറിയിപ്പ്

കൊറോണ വൈറസ് (കോവിഡ് -19) മൂലം  കേരളത്തിലെ സ്വയം പര്യാപ്തമല്ലാത്ത പ്രാദേശിക സഭകളിൽ  ഉണ്ടായ സാമ്പത്തിക പ്രതിസന്ധി പരിഹരിക്കാൻ, പ്രാപ്തിയുള്ള സഭകളും ദൈവദാസൻമാരും വ്യക്‌തികളും ആത്മാർത്ഥമായി സഹകരിച്ചതിനാൽ 1870 കിറ്റുകൾ വിതരണം ചെയ്യാൻ സാധിച്ചു. 

ഈ വിഷയം സംബന്ധിച്ച് ഐപിസി കേരള സ്റ്റേറ്റ് എക്സിക്യൂട്ടീവ് കൂടി ആലോചിച്ച് ദൈവമക്കളെ അറിയിച്ചിരുന്നു. ഇപ്പോഴത്തെ പ്രത്യേക സാഹചര്യത്തിൽ ഫോൺ വിളിച്ചും മറ്റും അറിയിച്ചപ്പോൾ നല്ല സഹകരണമാണ് കേരള സ്റ്റേറ്റ് സഭകളുടെയും, വിശ്വാസികളുടെയും, ദൈവദാസൻമാരുടെയും ഭാഗത്ത് നിന്നും ഉണ്ടായത്.  സ്വയംപര്യാപ്തമായ സഭകളും, പാസ്റ്റേഴ്സും വിശ്വാസികളും ആത്മാർഥമായി കൈ തുറന്നു സഹായിച്ചു, ഐപിസി കേരള സ്റ്റേറ്റ് എക്സിക്യൂട്ടീവും കൗൺസിലും പ്രവർത്തനത്തിന് നേതൃത്വം നല്കി. സഹകരിച്ച എല്ലാവരോടും ഐപിസി കേരള സ്റ്റേറ്റ് ഹൃദയം നിറഞ്ഞ നന്ദി അറിയിക്കുന്നു. 

ആലത്തൂർ, വാളകം, തിരുവല്ല, ചെങ്ങന്നൂർ കോട്ടയം നോർത്ത്, പത്തനാപുരം, ചെങ്ങനാശ്ശേരി വെസ്റ്റ് സെന്‍ററുകളിൽ സ്റ്റേറ്റിന്‍റെ സഹായങ്ങൾ വേണ്ട എന്ന് സ്നേഹപൂർവ്വം അറിയിച്ചിരുന്നു, ദൈവദാസൻമാരുടെ ബുദ്ധിമുട്ടുകൾ പരിഹരിക്കാൻ ഈ സെന്‍ററുകൾ മുൻകൈ എടുത്തു ക്രമീകരണം ചെയ്തതിനാൽ  നന്ദി അറിയിക്കുന്നു. 

സംഭാവനകൾ നൽകിയ സഭകളുടെയും, വ്യക്തികളുടെയും പേരും തുകയും ഐപിസി വെബ്പോർട്ടലിൽ https://www.ipc.live/reports-list/ പ്രസിദ്ധീകരിച്ചിട്ടുണ്ട്.

ദൈവം എല്ലാവരേയും അനുഗ്രഹിക്കട്ടെ. 
 
ഐപിസി കേരള സ്റ്റേറ്റ് എക്സിക്യൂട്ടീവിനു വേണ്ടി
 
പാസ്റ്റർ ഷിബു നെടുവേലിൽ
സ്റ്റേറ്റ് സെക്രട്ടറി