പത്തനംതിട്ട : ഐ.പി.സി പത്തനംതിട്ട  സെന്ററിൻറെ 63-ാമത് കൺവൻഷൻ പുത്തൻപീടിക വിളവിനാൽ ബഥേൽ ഗ്രൗണ്ടിൽ   2020 ജനുവരി  08 ബുധനാഴ്ച സെന്റർ മിനിസ്റ്റർ പാസ്റ്റർ വിൽസൺ ജോസഫ് ഉദ്‌ഘാടനം ചെയ്തു. പാസ്റ്റർ പി.സി ചെറിയാൻ (റാന്നി) പ്രെസംഗിച്ചു. 2020 ജനുവരി 8 മുതൽ 12 വരെ നടക്കുന്ന കൺവൻഷനിൽ പാസ്റ്റർ കെ ജെ തോമസ്, പാസ്റ്റർ റെജി ശാസ്താംകോട്ട, പാസ്റ്റർ വർഗ്ഗീസ് എബ്രഹാം, പാസ്റ്റർ തോമസ് ഫിലിപ്പ്, പാസ്റ്റർ ഷിബു തോമസ് ഒക്കലഹോമ എന്നീ ദൈവദാസന്മാർ  ദൈവവചനത്തിൽനിന്നു സംസാരിക്കും. ഗാന ശുശ്രുഷക്ക് ഷെക്കേന സിംഗേഴ്സ് നേതൃത്വം നൽകും എല്ലാ ദിവസവും പകൽ യോഗങ്ങളും ഉണ്ടായിരിക്കും. വ്യാഴം പകൽ 10 മുതൽ 01 വരെ സോദരി സമാജം വാർഷികം, വെള്ളി പകൽ 10 മുതൽ 01 വരെ ഉപവാസ പ്രാർത്ഥന, ശനി പകൽ 10 മുതൽ 01 വരെ സൺഡേസ്കൂൾ, പി യു പി എ വാർഷികം ഞായർ പകൽ 10 മുതൽ 01 വരെ സംയുക്ത ആരാധന. എല്ലാവരെയും കർത്തൃനാമത്തിൽ സ്വാഗതം ചെയ്യുന്നു.