കുമ്പനാട് (പെരുമ്പാവൂര്‍): ഐപിസി കേരളാ സ്റ്റേറ്റ് കൗൺസിൽ അംഗം പാലമറ്റം മിജോ ജോര്‍ജിന്റെ സഹധര്‍മ്മിണി സജീന (നിമ്മി-36) നിത്യതയില്‍ പ്രവേശിച്ചു.  ഭൗതീക ശരിരം 08.01.2020 വൈകുന്നേരം അഞ്ചിന് ഭവനത്തിൽ കൊണ്ടുവന്നു ഇന്ന് (09.01.2020) രാവിലെ പത്തിന് പോഞ്ഞാശേരിയിലുള്ള അഗപ്പേ ചിൽഡ്രൻസ് ഹോമിൽ പൊതുദർശനത്തിനു വയ്ക്കുന്നതാണ്. തുടർന്ന് 12 മണിക്ക് ഐപിസി പെരുമ്പാവൂർ സെന്ററിന്റെ നേതൃത്വത്തിൽ സംസ്ക്കാര ശുശ്രുഷകൾ  പോഞ്ഞാശ്ശേരിയിലുള്ള സെന്റർ സെമിത്തേരിയിൽ നടക്കുന്നതുമാണ്. മക്കള്‍: ഇവാ മേരി, ഡാനോ ജോര്‍ജ്‌.

ഐപിസി കേരളാ സ്റ്റേറ്റ്‌ കൗണ്‍സില്‍ അംഗം, പുത്രികാ സംഘടനയായ പിവൈപിഎ പെരുമ്പാവൂര്‍ സെന്റര്‍ പ്രസിഡന്റ്‌, ഐപിസി വാഴക്കുളം സഭാ സെക്രട്ടറി എന്നീ നിലകളിലെല്ലാം ബ്രദര്‍ മിജോ ജോര്‍ജ്‌ പ്രവര്‍ത്തിക്കുമ്പോള്‍ പ്രാര്‍ത്ഥനകൊണ്ടും പിന്തുണകൊണ്ടും വളരെ സഹായമായിരുന്നു പ്രിയ സഹോദരി നിമ്മി. കഴിഞ്ഞ കുറേ നാളുകളായി രോഗിയായി ഭാരപ്പെട്ടിരുന്നു. താൻ അറിഞ്ഞ സത്യത്തെ മുറുകെപ്പിടിച്ചു ആത്മീയത്തിൽ മുന്നേറിയ പ്രിയ സഹോദരിയെ രോഗങ്ങളും, ദുഖങ്ങളും ഇല്ലാത്ത നാട്ടിലേക്കു കർത്താവു വിളിച്ചുചേർത്തു.

ഐ പി സി കേരളാ സ്റ്റേറ്റ്  കൗൺസിലിൻറെ ദുഃഖവും പ്രത്യാശയും അറിയിക്കുന്നു. പ്രിയ സഹോദരനെയും, കുഞ്ഞുങ്ങളെയും, കുടുംബാംഗങ്ങളെയും സർവശക്തനായ ദൈവം ആശ്വസിപ്പിക്കട്ടെ. പ്രിയപ്പെട്ടവരെ പ്രാർത്ഥനയിൽ ഓർക്കാം.